Merkataritza

Ostatuekin batera, merkataritza da herri bat bizirik mantentzeko ezinbesteko pizgarrietako bat.

Oparoa da oso Azpeitian dagoen eskaintza, ezeren bila inora joan beharrik ez izatea ahalbidetzen duena.

Autoaren premiarik izan gabe beharrezkoa duguna eskura izateak herritarren bizitza kalitatean eragin positiboa izateaz gain, ingurumenari ere mesede handia egiten dio.

Nabarmentzekoa da, era berean, Azoka Herritik egitasmoa, Azpeitiko ekoizleen produktuak ezagutarazi eta kontsumitzeko auzolan bizi-bizia.